以現價計，即使今天盡沽所有白銀，最多亦只賺5-6皮，跟買金一樣，得個做字。
今早打去「忠記」問銀條回收價，佢話「銀牌價」減$20，即係每兩收$230。
再打去「利昌」問銀條回收價，佢話「銀條出門口價$277」減$20，即係每兩收$257。
我就去「利昌」放。收回$48,626支票一張。
四兩一條銀條，何來189兩？
利昌回收四兩銀條，是以實質重量來收。47條，足足多了1.203兩，照價計足付錢。
有無賺？這批貨，帳面蝕$18,806，因當年入貨價要每兩$360。
今天早上，鋪內相當熱鬧，有頗多中年男士係利昌問有無銀條賣。職員例牌吋嘴地話「無」，明天請早。還提醒他們早一些來排隊。排第四、五個都未必買到。最吋係最右邊果個白頭佬。
如果我肯明天係利昌門口放銀條，平過利昌$10一兩，應該大有得做。
各位....你們未來數天係利昌買的貨，多數係我...今天放的。
大家唔洗心急，按關例，我賣晒，就會開始大升的了。
請等我信號。
